Brottkastið

Ég hef alltaf verið fylgjandi kvótakerfinu í heild sinni en það hefur sína galla. Einn stærsti galli kerfisins er brottkastið. Það er stórt vandamál þó líklega séu flestir útgerðarmenn ábyrgir í sínum rekstri. En margoft höfum við heyrt fréttir af brottkasti sem hlýtur að veikja þá stofna sem um ræðir. 

Nú er þorskstofninn í mikilli lægð og spurning hvað veldur. Brottkastið?  Væri gaman að heyra sjómenn tjá sig um það.   Verður ekki að efla Fiskistofu enn frekar og ráða eftirlitsmenn um borð í alla stóra báta á Íslandsmiðum sem eru á bolfiskveiðum?  Brottkastið hlýtur að minnka við það...

Sjávarútvegsráðherra: Þurfum að ræða málin af yfirvegun

Athugasemdir

[Sigurjón Þórðarson, 2.6.2007 kl. 19:20]

 Hafró er búið að reikna brottkastið út mjög nákvæmlega eða 1,27 % af lönduðum afla hvorki meira né minna.  Þannig þar á bæ telja sérfræðingar að brottkastið ekki vera megin orsök fyrir niðurskurðinum.

Ég tek þessum talnaleik Hafró með mikilli varúð.

Nú er varið hátt í milljarði í Fiskistofu - hvað telur þú að það þurfi að auka eftirlitið mikið?

Sjálfur tel ég vænlegra að breyta kerfinu til þess að minnka hvata til borttkasts og endurskoða þessa ráðgjöf sem gengur út að skera niður til þess að veiða meira seinna.  Þetta seinna hefur bara ekki komið enn.

[haraldurhar, 2.6.2007 kl. 19:40]

  Brottkast er eðlilegur fylgifiskur aflamarkskerfis, og auðvitað ástunda allir sem hafa tekjur sínar af veiðum, að koma með verðmætasta fiskinn að landi. Brottkast sem grundvallast á gæðum stærðarvali og tegundum hefur verið mikið á undanförnum árum og væri ég ekki hissa á að um þriðjungur bolfisks hafi farið aftur út um slógrennuna, en hun hefur verið nefnd gullaugað á sumum skipum.  Eg held að þorskurinn komi verst út því verðmunur á stórþorski 7 kg og undir 5 kg nemur allt að helmingi.

    Það hlýtur að koma sú tíð að landsmenn sjái hversu arfavitlaust núverandi aflamarkskerfi er, þega æ fleiri þorp leggjast af og eignir þúsunda´verða nánast verðlausar.  Eg veit að þetta kerfi var sett upp sem peningstjórnunarkerfi, með tilvísum í fiskvernd, en þegar sýnt er að hvorugt hefur tekist og reynst áranguslaust með öllu hljóta augu æ fleiri að opnast, jafnvel Einars Guðfinnsonar og Einars Odds.

    Fiskistofu á að skera níður í um 20% af umfangi hennar í dag.

[Sigursveinn , 2.6.2007 kl. 20:42]

Það sem skiptir máli í þessu er að reyna að fá þá aðila sem eru í útgerð til að starfa eftir þeim reglum sem eru til staðar. Þó margoft séu menn sekir um umferðarlagabrot, til að mynda að keyra fullir þá breytum við ekki reglunum. Þeim seku er refsað. 

Sigurjón segir að milljarður fari í Fiskistofu í dag. Sú stofnun hefur á undanförnum árum þanist út en er það í rétta átt?  Eftirlitið þarf að vera meira og þó ég viti ekki hvað það kosti að hafa eftirlitsmenn um borð í flestum skipum þá tel ég til lengri tíma litið að það borgi sig.

Lykilatriðið í þessu er að menn fari að settum reglum. En því miður eru svartir sauðir í öllum atvinnugreinum, í sjávarútvegi sem öðrum.

[Sigurjón Þórðarson, 2.6.2007 kl. 22:58]

Í Færeyjum er nánast ekkert brottkast veiðieftirlitið er miklu minna í sniðum einhver laug því að mér að þar væru veiðieftirlitsmenn 2 og þeir væru tveir en ekki einn til þess að annar gæti komist í frí.

Það er margt ágætt fólk sem vinnur hjá Fiskistofu og ég er á því að áherslurnar eru ekki réttar þar sem áherslan ætti að frekar að vera í að leiðbeina og tryggja gæði í stað þess að fylgjast með og eltast við að  telja fisk upp úr skipum og bátum.