Hvað veldur?

Þetta eru vondar fréttir fyrir okkur Eyjamenn. Ef lundastofninn er í slíku ástandi ber að gera eitthvað. Það er þó vitað að það er ekki veiðin sem er að valda þessu, enda örlítið brot af stofninum sem lendir í háfum Eyjamanna ár hvert. 

Sandsilið virðist vera horfið og maður spyr sig hvað veldur. Ein tilgátan í fyrra var að þetta væri vegna hlýnunar sjávar. Ég veit það ekki en eitt af séreinkennum Eyjamanna er þessi veiði og gaman að fylgjast með eldri veiðimönnum sem yngjast upp 1. júlí þegar lundaveiðitímabilið hefst. Sjálfur dvaldi ég ófáa dagana þegar ég var yngri út í Elliðaey.

Það var svakalega gaman. 

Lundinn er líka bara svo fjandi góður. Bestur reyktur. Ég var að tala áðan við félaga minn sem var um borð í Herjólfi. Hann hafði á orði að aldrei hafi hann séð svona marga lunda í sjónum eins og í morgun. Kannski er hann bara seinna á ferð en venjulega? Hver veit?

En ef allt bregður, verður þá ekki að fresta Þjóðhátíðinni? 

Bannað að veiða lunda?

Athugasemdir

[Einar Þór Strand, 4.6.2007 kl. 09:35]

Ég er með aðra tilgátu sem kannski er auðveldara að prófa og það er að loðnuveiðar í flottroll eigi þátt í þessu.  Gamalt fólk við Breiðafjörð segir að ef loðnan komi ekki þá sé ekkert sandsíli árið eftir, hvað er hæft í þessu veit ég ekki en með flottrollinu þá veiðist of mikið af loðnunni og ekkert verulegt magn nær að drepast í sjónum.