Á kannski að fara að hamstra?

Þetta byrjar gæfulega.  Spurning fyrir ráðamenn í Reykjavík að hlusta á Eyjamenn í þessum efnum.  Alltaf legið fyrir að þetta skip er allt of lítið til þess að sigla á þessari leið. Það hafa Vestmannaeyingar bent á. Reyndar hefði ég viljað heyra meira í ráðamönnum Eyjamanna í þeim efnum.

Sumir segja að þetta sé ein erfiðasta sjóleið í heimi fyrir áætlunarskip. Veit það ekki en ég fór með Herjólfi í gærkvöldi heim til Eyja og upp á land á föstudaginn.  Báðar ferðirnar hefðu líklega fallið niður ef Baldur hefði verið í áætlun. Alla vega föstudagsferðin. 

Herjólfur gegnir ekki bara því hlutverki að flytja fólk til og frá Eyjum því allar okkar nauðsynjar koma daglega með skipinu.  Miðað við veðurspá gæti svo farið að nokkuð margar ferðir falli niður á næstu dögum.  

Á maður að fara að hamstra?

Síðari ferð Baldurs felld niður

Athugasemdir

[Stefnir (IP-tala skráð) 14.9.2009 kl. 11:46]

Hvar er Róbert Marshall??? Samfylkingarmaðurinn sem lætur í sér heyra í Vestmannaeyjum einu sinni á 4 ára fresti og þá fær fólk aldeilis að heyra það frá honum hvað hann er mikill "eyjamaður", hann hafði sterkar skoðanir á hvernig samgöngur ættu að vera og þakkaði sér og sínum mikið fyrir að bakkafjöruverkefnið væri þeirra!!