Viðkvæmur Steingrímur Joð

Jæja, þá er fenginn niðustaða. Stjórnin hélt velli þökk sé stórsigri Sjálfstæðisflokksins. Framsókn fékk skell og hlýtur að hugsa sinn gang. Mín spá er sú að ríkisstjórnin sitji ekki áfram. 

Það er ekki annað hægt en að brosa út af viðkvæmni Steingríms Joð út af skopmyndinni sem birtist hjá ungum framsóknarmönnum í kosningabaráttunni. Er þetta ekki fullmikið væl hjá manni sem uppnefnir aðra hvað eftir annað í ræðustól á Alþingi, kallar menn illum nöfnum. Er þetta ekki fullmikið hjá manni sem varið hefur óvægnar árásir ungra VG á Framsóknarflokkinn undanfarna mánuði?

Enn og aftur kemur í ljós að vinstri menn telja sig mega nota öll "trix" til að koma skoðunum sínum á framfæri en ef aðrir svara í sömu mynt, þá kveinka þeir sér og heimta afsökunarbeiðni.  

Hlægilegt....

Athugasemdir

[Grétar Ómarsson, 14.5.2007 kl. 19:13]

Myndin að ofan er bara alveg eins og Steingrímur Joð nei í alvöru þá var komment Steingríms um þessa svokölluðu afsökunarbeiðni fáránleg og ég dauðvorkenndi Jóni Sigurðs að þurfa að svara þessum hrokagikk sem notar hvert tækifæri til að uppnefna menn á hinu háa alþingi, hvenær hefur hann beðist afsökunar á því sem hann lætur út úr sér þar.? 

Ekki hafði ég mikið álit á mestu nöldurskjóðu Alþingis frá upphafi fyrir, en í þetta sinn gekk hann of langt.

Ég vona bara að Geir harði reyni allt sem hann mögulega getur til að komast hjá því að fá Steingrím Joð í ríkisstjórn, ég vill meina að Steingrímur sé hálfgerður terroristi fyrir hagkerfið og það almenna frelsi sem við búum við í landinu í dag.

Eins gott að hann lesi þetta ekki, þá þarf ég kannski að fara að biðjast afsökunar á því að hafa kallað hann hálfgerðan terrorista   

Ég hræðist allavega ekki netlöggu á meðan Steingrímur er ekki í stjórn.